【吃、玩】台北。北投市場、北投圖書館

瞓醒一覺，諗住試吓酒店嘅早餐...

但實在唔好食...順便check-out走人...

之後去咗附近嘅「北投市場」 行吓...

嘩！果度勁多嘢睇...林林總總乜都有...不過就好local嘅...

因為見到好多台灣人去果度買早餐呀、買餸、水果、雜貸...

價錢又平選擇亦好多...

喺市場見到蕃茄仔好新鮮...

 

立即買嚟試...

又脆又多汁，好後悔買得咁少...

另外果樽係鮮搾橙汁 + 加少少檸檬汁...

好飲！ 

本身好鍾意食龍眼肉...試食完覺得唔錯...所以買咗一盒...

果包"冬季人蔘黑糖薑"...d薑辣到呢...

冬天焗水飲應咳又係好正，買！

唔覺唔覺就行咗2個鐘...

 

同埋試咗好多台式小食...

。
。
之後去咗參觀「北投圖書館」 ...

堪稱全台灣最靚嘅圖書館...

外型設計特別之餘...同時亦被大量綠色植物包圍住...
齋坐已經覺得好舒服又寫意...我有入去參觀呀，每一層都去望吓...
睇書氣氛真係好好...不論大人小朋友學生都係靜靜地睇書...
完全做到 零。喧。嘩。

另外，呢間圖書館好多時會吸引好多人去影相留念...

圖書館有d位可以比人影吓相，但盡量以唔影響其他人為原則...假如真係好想好想影相，可以事前去問職員拎一張申請表...不過我無填呀...所以唔知有咩手續...