【吃】台北。貝菈貝果

最近香港雖然興起食bagel，但好難買到一d脹卜卜又肥又圓嘅...莫講話要有埋麵粉香...
。
。
台灣就唔同啦...不同國籍嘅麵包種類都好多選擇，容易買到不特止，質素同味道通常都有保證。
。
。

上網check一check先知‘’貝菈貝果‘’原來相當有名氣，去到counter見到有試食就當然唔可以錯過啦...

食落軟熟，假如麵包質感再煙韌多d就更好喇...
不過，實在好耐無食過樣子接近心中討好嘅bagel喇...
所以如今遇到都唔理得咁多住，先食一個頂頂癮... 
。
。

買咗個‘’甜菜根蔓越莓貝果‘’配野莓蔓越莓抺醬。
甜菜根即香港所叫嘅紅菜頭，而蔓越莓亦即係紅莓，英文叫cranberry。
所以整個bagel係紅噹噹，幾搶眼。
只食包會較淡味，加埋紅莓忌廉芝士好食好多。
愛吃麵包嘅人有機會見到嘅話，記住試吓...

佢哋提供多達10款以上嘅口味... 
。
。
呀！順帶一提，如有輪椅朋友想買嚟食...
可以先去台北火車站搵吓先(官網有門市地址)因為方便好多，如果無先再去京站或其他分店買啦
。
。