【吃】台北。麥釀

對於鍾愛澱粉質嘅我嚟講，一見到麵包類嘅就會覺得相當吸引又會勁有興趣去試。

上網睇見呢間舖頭只賣饅頭，口味OK多...

佢哋賣包嘅方式以香港人嚟講算比較少見，因為人客需要預先去店鋪拎籌...
下午大概2點(唔記得)左右根據客人籌號次序比佢哋揀選想買嘅饅頭 + 數量...
絕對可以揀得舒服，完成一個先到下一個。

至於嚟自香港嘅我哋又點算呢？
事前先從facebook同佢哋聯絡，然後再喺台灣人最常嘅Line同店員溝通。

佢哋預先留咗一個號碼比我哋，再send一張order form過嚟。
喺香港預先剔好想要嘅口味 & 數量，當日去到舖頭直接交比店員就OK喇，順利到不得了！

呢間舖嘅店員好好人又好好傾，我哋買完饅頭後...
仲老實不客氣咁問佢哋可唔可以即場幫手蒸熱一個饅頭比我哋食...

因為佢哋d饅頭真係好香好香，係一種好純粹嘅饅頭味，所以…

忍唔住食一個先...仲專登揀咗佢哋最出名嘅「蜂蜜捲芋頭」
包質軟軟棉棉超級正！中間嘅蜂蜜芋頭係清香，甜而不膩...
好好食好好食真係好好食！

當日一次過買30個饅頭，返香港可以慢慢享受

下次去台北一定一定會再去！ 輪椅可以入到去㗎！

食店資料:

麥釀

蘆洲區忠孝路108號 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

大概一個月左右，終於將所有饅頭食完...

每日早餐食一個...好飽足呢...