【吃】台北。寬巷子

一直想試台灣嘅麻辣火鍋...

但次次去都正值夏天...完全唔想食辣嘢...
今次唔同喇...
因為幾乎日日微微細雨，又有風，凍到只想留喺室內(咁我本身又怕凍)...
所以一日三餐都只想食熱食...某一晚同朋友一致認為食火鍋就最perfect...
。
。
一間食店出名唔係不無道理，想試"寬巷子"好耐。

每次都係突然記起就動身去店舖，不過無一次成功。

因為店員唔想你食得急趕之餘，更唔想耽誤下一枱已訂枱嘅人客。

好！欣賞你！等我又book枱先！

嚴陣以待，勁準時就係門口等入座
。
。
"寬巷子"聞名之處有幾樣：

1. 店員服務真係100分個個笑容好...
久不久會主動幫人客處理食物，邊講解邊介紹。
最搞笑係佢哋深深明白 #相機食先 嘅重要性！
每一次放食材入鍋之前，必定會好鼓勵地問客人「要拍照嗎」真係你想影幾耐，佢都願意等到天荒地老...


2. 幾乎每樣食物都係instagrammble、吸睛呃like大表者！
樣樣做得好精緻，尤其那三朵"玫瑰松板" (松板豬)

嘩嘩嘩無限loop，相機食飽，我都未望夠

3. 別以為d食物好靚唔好食...

先講個鴛鴦湯底，齋聞已經好香好香，尤其"白鳳千叟鍋" (白色湯) 係雞湯嚟嘅，內裡有紅棗、龍眼肉及其他藥材。
好清甜，好好飲，飲咗好多先正式開始落嘢食...
至於"紅泥小染"就係麻辣鍋喇，當中細心位就係將所有辣椒、花椒放喺中間嘅圓形兜內...
呢個湯底麻味香濃，越食越辣...鍋內嘅鴨血好好食！

食咗呢幾樣：
玫瑰松板

波波糖(芝麻醬勁濃郁)

 
 

蜂巢牛肚

大腸頭

墨條牛軋(墨魚丸d朋友，味道幾特別又爽口)

油條

蔬菜

⚠️想試嘅話，記住打電話book位呀
⚠️用餐有限時

⚠️分店有好幾間