【玩】台北。色廊展

有無聽過：去旅行嘅時候會做出好多平時唔會做嘅事？
務求直逼自己及同行朋友喺面上出現大大個O咀樣...
為旅程添上難忘嘅一環...

事緣咁嘅...上網做trip planning時...
見到台北"松山文創園區"舉辦一個叫 「色廊展 Color Gallery」
睇個名已經笑咗一陣(我認我無聊呀)再睇埋其他人嘅comments、相片...
感覺好吸引，尤其係colorful嘅事物更愛...
但其實有猶豫位嘅，因為館內係由不同顏色區配合不同主題，
再加場景擺設嚟比人擺pose & 影相...
影花影草影建築物影風景就話啫...
對於無乜表演慾嘅人要喺人哋面前扮嘢入戲再入鏡？！
(開始笠水～)hey...去到先算啦...

 

 

其實呢個色廊展好爆場㗎...當日堅定要喺早上11點就到...
大概排10分鐘左右就可以入場...
玩咗2個鐘，走嘅時候見到職員做人流管制措施～

好喇～究竟最後玩成點呢？哈哈
upload咗咁多相就知so much fun la...
去到一個無人識嘅地方，人係會放鬆d大膽d...
可謂乜鬼都豁哂出去…平時如無必要係唔會離開張輪椅嘅...
今次玩到竟然瞓埋落地
 well...值得嘅...起碼過咗幾個月仲同朋友講緊呢件事～

資料：色廊展 Color Gallery