【吃】台北。津津豆漿店

唔知點解越來越追求食物嘅原有味道...
"津津豆漿店"所賣嘅蛋餅+豆漿正正發揮簡單就是美味嘅表表者...

呢度...主要做早餐...好多時11點賣完就收工...
所以無論如何幾夜瞓都好，今次都務必晨吉咁早就起床出門口...
當日嚟嘅時候落緊雨，天氣又濕又凍...
人流相對較少，記得網上查資料時...
好多人都話要排隊，遲出門口就唯有下次請早...
所以今次落雨好麻煩，但錯有錯著令我順利食到...
另外店舖細，唔好意思嘗試轆入去坐...
好在台灣仍然盛行喺店外擺枱...

泊好輪椅就可以叫嘢食...

本身好愛好愛好愛食台灣嘅蔥油餅之類...
所以「蛋餅」係必叫！
蛋餅內嘅韭菜超級飽滿！！
雖然「蛋餅」係油炸...
但....完！全！唔！油！膩！
蛋味係簡單而純粹...
仲有，蛋餅嘅麵粉香係完無得輸！
愛食澱粉質嘅人必定明白有幾吸引！
蛋餅每一啖都係酥脆又有微微煙韌口感...
SUPER好食！

另ORDER咗一份「燒餅夾蛋」...
同樣好好食...
但首選一定係蛋餅...

早晨呀！台北

食店資料:
津津豆漿店
地址：台北市大同區延平北路四段5號
捷運：大橋頭站（步行10分鐘左右）