Day 6 宮崎→日南一天遊。港あおしま(午餐)

睇完「鬼之洗濯板」就準備食中午...

無意中見到「青島亞熱帶植物園」感覺會幾好睇，可惜時間唔夠。

好靚嘅綉球花

呢間食店非常巴閉，每日只做11:00AM-2:00PM
食物賣完就收工，如果想食就真係要預早d時間
當日去到店舖門口先知原來要上二樓...
本來打算離開，點知店員叫咗3個大隻佬嚟...
1、2、3就齊齊抬咗我上去...
真係萬分感激！

一上到食堂，大概只有3-4枱客人...

看圖點餐

因為早到，坐嘅位置有靚風景睇

Woo...吸引到呢

龍蝦好鮮甜，完全無腥味

呢一份餐更震撼

每款魚生當然新鮮啦...而且大大件...
份量勁足夠！為以示尊重及唔好浪費食物，2個lunch set全部食哂...
真係飽到晚飯都可以唔駛食！

就係呢間「港あおしま」...
店員好好人，就係因為佢哋好客，我先有幸比3個大力士抬我上去食好嘢！好感恩呢！
「鬼の洗濯板」行過去都要d時間，不過沿途景色靚天氣又好...
慢慢行好舒服呢~
之後要去追巴士趕下一個行程...
呢個巴士站叫「折生迫」...


可以係地圖輸入「県道377号線」就搵到需要之路線

距離「港あおしま」行五分鐘左右...

資料補充:

港あおしま

宮崎縣宮崎市青島 3-5-1

待續...