今朝早餐好豐富呀！但唔會逐碟上...
呢塊鐡板勁呀，煎任何嘢都唔會痴底...
有機會見到好想買一塊！
最愛嘅蕃茄仍然好好好食！勁新鮮！
呢粒溫泉蛋令我從心體會咩係晶瑩剔透、軟滑無盡處、齒頰留香~
十分十分好食！
最後飲咗一杯同提子汁無關嘅黑酢...
加冰一齊飲好refresh...酸酸哋又可以幫助消化...正！
鹿兒島出產好多不同種類嘅飲用醋...
佢哋有自己釀製嘅醋園...
可以去超市去望吓喎~~
好！酒店check out再由酒店職員開車送我哋落山...
今日會參加半日bus tour參觀三個景點︰
丸尾潼(bonus)→霧島神宮→高千穗河原→蝦野高原
所以擒日叫咗酒店職員帶我哋去買觀光巴士pass...
上車點喺「九尾3」...
有得浸溫泉嘅地方會常常見到呢d情景..
巴士到站喇...不過無任何設備比輪椅人士上落...
好在司機好好人...一齊幫手上車...
先去睇「丸尾の潼」
網上睇圖片感覺一般....不過到自己現場睇又覺得值得一嚟...
本身唔會停呢個點，但司機好好人，好鼓勵大家落車影相...
中途見到一個特大鳥居，就係第1個景點入口啦！
落車後就見到咁綠，巧開先...
第一站先參觀「霧島神宮」
眼前有好幾級樓梯！望見周圍唔覺有斜梯之類嘅路可以走...
唯有自己影吓相就算...
點知個好好人巴士司機走嚟同我哋講...原來呢度有ramp可以入...
就係最左手邊...一直行...d路勁碎勁斜！
上到喇~
環境好清幽...遊人唔算多...不過因為係神社，好多路都係碎石路，好難推呀...
突然望到眼前有一棵勁高嘅樹...好壯觀！
好特別嘅樹
天氣麻麻哋...
走人喇...
傷心事發生喇...話說第二個景點係「高千穗河原」....
不過逗留嘅時間唔多，而且又無乜特別嘢...
所以叫朋友落車代勞影相 + 蓋印仔...
最後再去埋「蝦野高原」....可惜最近有火山爆發...
可以參觀嘅地方已經封咗...有見及此，我又無落車喇...
其實都有影幾張相...諗住望吓都好呀~
點知...夜晚返到酒店就發現相機SD卡突然壞咗...
唉...唔講喇...平復吓心情先....
待續...
沒有留言:
發佈留言