Day 3 熊本市一日遊 part 1。水前寺成趣園

hey~喺日本第一件事要學識就係守時，暫且要同瀨床say bye bye...

今朝要07:30am搭新幹線去探熊本熊！
擒晚行「aeon」見到燴蕃薯 + 小蕃茄好吸引！一於早餐食(多健康！)

 

 

加多杯咖啡，good morning 呀真係！

呢架新幹線都幾好坐...又夠靜...

最鍾意就係櫈下有充電位...

大概1hr到達「熊本駅」...

熊本熊先生多到呢~ 望多幾望...佢的確幾搞笑...

好。巨。大。 

爆笑 lol 

 

好喇，要上地面搵車搭...

呀！呢隻小狗叫「阿蘇男孩」(ASO BOY)，幾得意架！
係九州JR觀光列車之一...
上到地面搵車搭...

「熊本駅前」上車

電車車費比巴士平

有設施比輪椅上...感覺良好...但數量唔多...

喺「水前寺公園」落車

因為想參觀「水前寺成趣園」....全部有路向指示，好易搵。
大概10分鐘左右就到...

先買入場卷...

入口處有輪椅人士洗手間...好乾淨呢~
「水前寺成趣園」環境舒服...尤其最愛綠色...

周圍嘅樹木又多又好睇...此時深呼吸....

 呼~空氣好到不得了...

園內有好多呢類碎石路...

可能係特色啦...但輪椅人士會覺得好震

 
今日天氣好好藍天白雲，亂影都可以有靚相 XP

 

「水前寺成趣園」又唔算大得無譜...
但悠悠閒閒的話，慢行一個小時一定無問題...

賣手信嘅街道...人影稀少...

好！做遊客呢，時間永遠唔夠用 + 容易肚餓 =p
搵地方食lunch先...
返去「水前寺公園」上電車...
然係喺「辛島町」落車...

中午去食「勝烈亭」，由「辛島町」行去亦好近。

見有指示牌就跟住行...離遠已望見一小堆人...

因為店舖未開門...門外已有人排隊(包括我 =p) 

真誇張！ 

枱上好多醬汁及漬物 

order食物後，店員會送上芝麻粒，然後自己慢慢磨成芝麻碎...

勁勁勁香呀！ 

呢個蘿蔔蓉，上面係元貝絲...蘿蔔本身甜甜哋之餘又有少少辛辣味... 

加少少以上呢款汁會較易入口...但始終唔太鍾意個味道... 

漬蘿蔔乾...好食喎！爽爽脆脆唔會過鹹 

點吉列炸物都有2款汁... 

每樣試少少...選好鍾意食嘅就加落剛才磨好咗嘅芝麻碎...

用嚟點豬扒好好食！

食物到~有一塊吉列薯蓉、一舊吉列豬柳、一隻吉列蝦...

3樣入面，吉列蝦最正！大隻不特止，而且勁濃蝦味，超級好食！ 

另一樣係吉列黑豚扒...酥脆多汁...好食到暈！

白飯更加不用多說...軟糯有咬口！

椰菜可以無限添食...醬汁用咗橙色果樽，係廚師自己調嘅...

食落好香柚子味...酸酸哋，勁開胃！

最後食店仲提供免費咖啡，無限次添飲....

下次再嚟熊本，一定會再嚟食！

資料補充︰

熊本市電車交通

http://www.kotsu-kumamoto.jp/Default.aspx?site=1

勝烈亭 新市街本店

熊本縣熊本市中央區新市街 8-18

待續...