泥涌。西貢

嘩！嘩！嘩！

當刻除了"嘩！"就講唔到第二句...

因為沿路轆過嚟係完全預期唔到原來呢度嘅景色係咁靚...

可能天氣實在太正...而所有嘢又配合得好好... 

呢度嘅風景大概可以分開2 parts去睇+影相...

向左走: 碼頭

向右走: 泥灘 

今次先轉左去碼頭...

呢條小路好窄身...一架輪椅已經可以佔咗1/2條路...

想影相嘅話就要有耐性...

二來呢度有BBQ場...所以人流又會多d....

睇住靚景去燒烤係幾正...但要上樓梯...輪椅人士去唔到喇... 

不同顏色嘅柱係特色之一...

越向前轆會越見到好多縐紙風箏... 

呢度有好多男士會互相切磋.... 

感覺好pro咁

又有人玩直立板...

寫意~

原路折返去泥灘

on the way行緊會見到d人蹲下影相...

一定要夠低...先影到果種韻味...

da da~就係傳說中嘅天空之鏡...

係幾靚架...但最好揀無乜風嘅日子...要水面夠平靜先影得好...

順帶一提...影「天空之鏡」嘅位置又係一條小路之上...

闊度就只有咁多...離開小路嘅話...就需要企泥灘路先可能影到....

輪椅人士去就會麻煩好多...所以快快手影完就讓開...

因為好易將整條路block咗...

沿住小路行見到呢位置可以轆出d再近距離影泥灘...

呢條路好乾爽又無泥濘...但比較顛簸...

小心慢慢轆啦...

無得再轆出d喇...因為路面太多泥又多碎石....

不過欣賞吓風景 + 影日落都唔錯...

回程喇...因為原路轆返去馬鐡站都需要一d時間...

呢度真係好靚 :)