Day 5 高千穗一日遊。高千穗鉄道、廷崗

司機叔叔最後送我地去「高千穗駅」就同佢say goodbye喇

準備搭小火車！興奮呀！！

可能中午時分，天氣勁熱，太陽又猛烈

無乜遊人呢...朋友、我、2個日本人...再加2個車長...一共六個
小火車經改良後，車箱好寬敞...但無預留輪椅位...
車長好人呀，我上車前去度吓小火車門嘅尺寸...
可惜我輪椅size太闊...最後要過椅...
無計啦...繼續照樣玩！

人少少...好處太多...
方便睇風景之餘...影相亦自由d...

景色真係靚到不得了

火車離開車站後...整架小火車都被綠油油嘅樹木包圍住！
全無阻擋呢

熱到呢...

途中會入吓隧道，極之涼快，順便降溫
呢條隧道係漆黑一片，但火車上係會有投射燈射上天花，超夢幻~~
1分鐘左右再出去曬！哈

沿途車長不停講解...可惜聽不懂日文....

又會拎出吹泡泡機...相信有特別意思...不過又係聽唔明

但感覺非常夢幻！

忍唔住要拍片呢！睇返都覺得興奮萬分！
個人認為絕對值得坐一次...

小火車大概玩咗40分鐘左右，落車後，可以玩吓呢d JR常用嘅設備...
例如交通燈...其中有個小盒子更發出「叮叮」聲....
用嚟提醒大家將有火車經過...
平時一定無乜機會接觸...所以今次有得玩吓又幾得意...

以前的確有「高千穗駅」呢個JR站，但因為地震震爛咗，但維修費太貴，最終JR九州就決定唔整返佢，封線。

之後有個高千穗人希望靠民間自己整返條鐵路，所以就變咗今日嘅旅遊景點之一，賺錢維修鐵路...

坐小火車遊覽，喜歡睇風景嘅人一定要試吓！

非常amazing的！

小火車後就去食lunch...仲要食燒肉！

入到食店，職員放低一杯冰水，二話不說整杯飲！

因為天氣真係超級熱...

選擇咗menu上最貴嘅2個套餐

肉質勁靚，超好食...但食幾塊已經好漏...

一人一杯飲品

呢杯係日向夏...酸酸哋...似檸水...

燒肉怎能沒有飯！其實白飯係跟餐嘅~

食飽了

無咗的士司機，唯有行返去車站，甚麼巴士呀...通通唔好諗...
因為班次非常疏...

今日「高千穗」之旅都去咗好多景點

嚟咗幾日南九州...原來唔容易見到靚靚坑渠蓋

行咗十幾分鐘(上鈄架)，終於返到車站喇

準備搭巴士返「廷崗」

待續...