首爾。無障礙設施之二三事

作為輪椅使用者...

周遭的無障礙設施往往會成為吃喝玩樂嘅首要著眼點...
所以每到一個新地方...自自然然會對呢方面比較在意...
第一次嚟到首爾...當地嘅無障礙設施感覺係中規中矩...
首先...街道上唔難發現馬路與行人路上均有斜路提供...

一般路面尚且平坦...

凹凸顛簸亦會有...

(情況同香港相似)

另外....一般熱門旅遊景點都會提供無障礙設施

例如「景褔宮」- 一個完美嘅ramp會出現...

但亦有不貼心嘅細微地方做得唔好...

以上圖為例...斜路與地面有一小級...

無留意嘅話就會容易有意外...

唯有自己多睇及小心小心再小心...

至於一般街舖...好多時會有一級...

好彩的話...側邊會有ramp...但呢個就真係唔常見...

首爾有好多shopping地點...

通常一個品牌可以佔三至四層...

想用升降機亦唔係想像般咁容易...

見得到嘅...一般都歡迎任何人士使用...

見唔到但心中又不停諗...究竟送貨/店員又如何搬貨呢?

明明有d building望落好新又光鮮...

於是心有不甘...可以試吓問︰no elevator? (英文越簡單越好)

一般d店員都會答︰no (哼！)

今趟首爾trip...好幾次踏入line store...

店內有cafe或其他層數...一一都無緣...

今次旅程...交通以地鐡為主...

用落又覺得幾方便...

幾乎每一個站都有一幅方向指示圖比傷健人士查看...

站內四周除韓文外

亦會有英文...清楚易明...

另一樣不得不提就係洗手間...

尤其無障礙洗手間...

一般係街上係好難搵到輪椅廁所...

反而好多地鐡站都有...而且唔需要入閘就可以使用...

呢樣好抵讚！

按制自動門...廁所空間都算大...

清潔程度比香港好...

地鐡入門閘機...

當然有闊閘機啦...通常舊款比較常見...

新款好難先見到一次...但真係闊好多顏色又鮮艷d(哈哈)
出+入閘都要拍咭...

地鐡 - 月台與車廂之間嘅空隙都幾闊...

反而高度唔會有好大差別...

車廂乾淨...同時亦有輪椅位...

外國月亮特別大....地鐡站亦然....