首爾 Day 2。土俗村人蔘雞湯

初到首爾第一日...

on the way去酒店之時...喺一個舖頭見到呢隻超級巨形嘅熊仔...
抬頭一望...只睇到「Kakao friends」幾隻字...
今早出發搵食...再次路過呢間店...
是日年初一竟然有開門做生意...
即入！

又一巨型擺設影相位

「Kakao friends」就係「LINE」嘅競爭對手...

有旗艦店之餘....又有cafe...博物館...

周邊商品更加多...

「Kakao friends」各成員...

本人最心儀之人物就係「TUBE」一隻呆笨鴨子...哈~

睇完走人...

韓國地鐡圖...看似複雜...但其實唔太難用...

今日第一餐會去食「土俗村人蔘雞湯」！

先喺「弘大站」上車...

(官網圖片)

再搭去「景福宮站」落車...

食店位置都唔算難搵...

望多次幾次google map...跟住行就ok...

遊客都可以租嘅單車...

可能人人返咗屋企慶祝新年？！

因為街上又唔覺好多人踩單車喎...

來自美國嘅咖啡連鎖店...

不經不覺到咗食店...

年中無休...可能專做遊客生意...

好在早到5分鐘...隔咗一陣就大排長龍...

不過食店好大....聽聞內裡有400張枱...

大概10分鐘左右就入得去喇...

店外有斜梯...一心以為都好方便輪椅使用者入去食嘢....

內裡九曲十三彎...而且分劃咗大大細細嘅房間比客人坐入去...經左穿右插之後就到咗被安排入座嘅方位...

去到門前原來仲要行多一至兩級樓梯....

工作人員合力連人帶椅抬我入去...

當刻好慶幸自己坐手推輪椅...否則都唔知算...

一安坐好...侍應就立即介紹餐廳招牌菜...

呢一間嘅泡菜、醃蘿蔔好好食...

酸辣鹹味恰到好處...

好後悔無買少少返香港 :(

每人茶杯隔離有一隻細杯...

其實係人蔘酒...試飲一小口...

味道濃烈...徒口飲唔到...

於是雙雙倒入雞湯內...

每枱必叫嘅人蔘雞...

味道好香...溫度好夠熱...

湯頭濃郁..雞肉嫩滑...雞內有糯米、紅棗、人蔘一條...

剛才倒入嘅人蔘酒已完全滲入湯內...

味道好夾！

本人大愛呢鍋雞湯！！

二人share一份剛剛好...

食完好暖好暖呢~

仲叫咗一份海鮮煎餅...

份量巨大！

整份KO了...

飽到呢~

人蔘酒有得賣架...

冬天食人蔘雞真係勁正！

食店地址:

土俗村蔘雞湯 토속촌 삼계탕

地址：5 Jahamun-ro 5-gil, Jongno-gu, Seoul

特別市鍾路區紫霞門路5街5 (體府洞)

業時間：10:00~22:00 全年無休

官網︰http://tosokchon.com/index.php?lug=ch

待續...