首爾 Day 4。孔陵一隻雞

最後一日仍要食得好...

食咗幾日泡菜及濃味菜式...開始覺得悶悶哋...

唯有今餐食得"清淡"少少 =p

韓國有好多餐廳都係屈腳坐地形式...

對於輪椅使用者嚟講會好唔方便....

所以選擇食店時要小心留意...

好好彩呢間「孔陵一隻雞」有一般枱櫈提供...

牆上貼咗好多來自唔同國家嘅遊客所畫嘅手繪畫...

人人都對呢間食店嘅雞讚不絕口...

上菜喇！除見慣見熟嘅韓式泡菜之外...

仲有蒜蓉、辣椒醬、雞腎、椰菜絲、新鮮韮菜（好好食！）

中午時段...食客相對少...老闆(應該係)親自招待每一枱客人...

先上一鍋清湯...內有一隻雞...

韓國雞size比較細...二人share一整隻雞都唔會過份飽...

老闆用較剪兩三吓就將隻雞剪好...

然後再蓋上蓋再次翻熱整鍋雞...

呢個時候可以先調較合自己口味嘅醬汁...

用嚟一陣點雞一齊食...

大概10分鐘左右...老問向我哋示意...

雞湯已準備就緒...可以先飲一小碗湯...

嘩！味道好清甜...

好！可以開動食得...

雞肉真係好嫩滑...雞味亦濃郁...

沾埋醬汁一齊食仲正！

所有雞件已食完...剩落嚟嘅雞湯就唔會浪費...

店員會將一小碗飯加落去...

慢慢煮成稀粥...最後加一隻蛋、蘿蔔蓉、紫菜絲...

味道好正！飽到不能...

可能呢幾日食咗好多重口味嘅食物...

今餐有一鍋清雞飲....最後又有一小碗粥食吓...

感覺真係幾舒服...

所以話呢餐"清淡"囉...

哈~

又去下一景點 — 「廣藏市場」

遊客必到嘅地方之一....

結果又係興趣不大...

走！

資料補充︰

孔陵一隻雞 東大門店

首爾特別市 鐘路區 鐘路五街 24

待續...