首爾 Day 3。醬油蟹

轉場去下個地方...

「ARTBOX」主要賣文具精品及大大小小無無謂謂嘅擺設...

店鋪好大...但一般好行...

可能太多無謂嘢睇啦....但又無乜邊樣特別吸引咁囉。

全日就係不停落呢一type雨...

靚喎！棟building :)

然後再去行吓「JAJU」家品店....

有韓式無印良品之稱...

而店舖style走簡約路線...顏色柔和舒服...

店內有售廚具、餐具、寐室用品、童裝、男女裝...

感覺價錢偏貴...

所以今次收鑊唔多...只買咗一隻碟...

人人話嚟韓國一定要食一次醬油蟹...

其實本身對未煮熟嘅蟹...唔算好大興趣...

但既然去旅行...又唔得咁掃興嘅...

今次試「普樂醬蟹」....

好多遊客都會嚟呢間食....

menu有中文之外...更有識講國語嘅侍應自動走過嚟幫手介紹...

好多膏！

將蟹膏 & 少少醬油與飯拌勻...再用紫菜包住食...

味道係唔錯嘅...

至於d蟹肉...試咗少少...味道好鮮甜....

但始終唔太鍾意未煮熟果種口感...

今餐志在試吓醬油蟹係咩一回事...

所以無特別點其他食物...

我同友人仍然未飽...於是去咗「TOM N TOMS」...

唔駛排隊又唔會催人交枱....果種心情真係好....💛

落order後就拎住呢部機返埋座位等...

哈！無諗過喺呢啲機...有廣告睇！

而且load得好順...

有咖啡飲真係好！

點會咁純情只飲咖啡呀！(奸笑)

當然要食吐司

做得靚....d cream好澎湃....但未算最滑...

呀！食到肉桂味又好強勁...@@

一見到pretzel又雙眼發光了...

呀~~有飽感喇終於~

資料補充︰

普樂醬蟹（總店）

地址：首爾市瑞草區江南大路97街9普樂大廈

(地鐵3號線新沙站4號出口，步行約3分鐘）