首爾 Day 2。明洞

既然第一次嚟首爾...

當然要去見識吓「明洞」啦...

on the way途中...發現好幾個巨型雕像...

見到呢個就聯想到google map...

今次去首爾幾乎每間7-11都有叮噹...

返到香港後就飲恨自己無去7仔一睹叮噹嘅記憶麵包...

雖然未必會好食...又或者好甜...

到咗「明洞」喇...整條街有好多化妝品店...

街頭小食...當中覺得呢個棉花糖整得好靚...

試咗一串芝士年糕...表面淋咗煉奶...

鹹鹹甜甜又煙韌...都幾好食...

因為之前食過d好甜好甜好好食嘅士多啤梨...

而家一見到士多啤梨就有少少發狂....

所以買咗呢個糯米糍食...

OMG！中伏了！中伏了！最外層嘅皮好硬又厚...

唯一有d安慰就係中間嘅士多啤梨及周邊嘅朱古力醬...

其餘小食不太吸引...走人...

本身又唔算好鍾意「LINE」...但知道「明洞」有line store...

又會想入去望吓...尤其店外見到咁大隻「熊大」...

好自然「嘩」咗一聲...

但...當見到隻公仔身上有咁多手印...

又會覺得有少少恐怖...

入到去係開心嘅...

無嘢買呀...bye bye你條尾~

待續...

資料補充:

Line store明洞分店

首爾特別市 中區 忠武路1街24-6