Tortilla。墨西哥餅卷

日日諗帶飯...諗到頭痕...來點新意思吧～
今次玩tortilla（墨西哥薄餅卷）...

餡料用嚟夾麵包都好食...可以做成三文治^_^

材料：芫茜、紅蔥頭、蕃茄
（可根據自己喜好任意加減）

所有材料切細...
**如用蕃茄**
蕃茄一定要將內裡水汪汪嘅籽去除（可留返煲湯或煮意粉用，別浪費）...再抺乾、切粒...

最愛粟米

唐生菜～清洗後抺乾...有幾乾抺幾乾

雞胸肉用少少鹽、黑椒、油...醃5分鐘就OK

大火輕輕煎2面...離火...用蓋cover等佢炆熟...咁樣就唔會乾柴又juicy

調味料：鹽、黑椒、（任何）沙律醬、檸檬（只要汁）

先將唔會出水嘅食材同調味料均勻mix好...

口味好個人...所以無特定份量...

**檸檬汁不能太多...太多汁會浸淋卷皮...好難包得順利

然後再加入其他食材...

輕手拌勻就OK...

可以開始包喇...

先放上一至兩塊唐生菜...目的係令到有汁嘅食材與卷皮隔開...咁樣就會無咁容易令到卷皮浸濕...

再用錫紙包住...

食嘅時候，可以將錫紙一層一層咁撕開……好方便架