打風餐。老媽拌麵

一早起身...八號風球了...窗外橫風横雨呢...

打風前一日因為返工...無特別到街市/超市大手入貨糧食...
既然夠食...就不必要再買...唔好浪費嘛！

朋友去完台灣...買咗「老媽拌麵」做手信...

之前自己去台灣已經見過呢隻麵...

但當時無衝動想試...可能幾年已開始戒食即食麵...

去到超市(香港或其他地方)好自然skip咗"麵類"果一行...

既然朋友送...一於食啦...
一包份量唔多...

內附3包調味料

先煮麵條4分鐘...

撈起..加少少煮麵水...等佢濕濕哋...
未加任何醬汁之前...先食一條原味麵條...
跟足指示煮4分鐘...麵質軟硬度剛剛好...
食落帶有微微鹹味...好食呢...

然後依次序:
1. 加入香油(麻油) 拌勻
2. 再加入素蠔油, 拌勻
3. 最後加入麻辣醬(隻醬好辣吓,記住逐少逐少加)拌勻

味道好香！
「麻」感唔算好強勁...
「辣」味反而較濃....

撈麵可加入其他食材...
咁嘅天氣...當然係煎蛋+腸啦...
打風餐完成~