「外埔忘憂谷」真心覺得正正子！
https://wheelya.blogspot.com/2018/07/2018-day1-part-1.html
尤其當日係平日，整大片稻田加加埋埋只得10人左右...
各自影相又唔會影響其他人，爽到不得了！如果唔係因為落雨，相信有排都未走...
講到咁吸引咪就係「高美濕地」囉～
今次係第二次嚟...上次係坐手推輪椅，而今次就坐電動...感覺更自由自在...
享受靚景之前有幾樣嘢要注意
1. 「高美濕地」只得一個輪椅廁所，位置就係「高美濕地旅客中心」
1. 「高美濕地」只得一個輪椅廁所，位置就係「高美濕地旅客中心」
2. 「高美濕地木棧道」可以一次過飽覽靚風景、日落、招潮蟹、彈塗魚嘅必經之路...輪椅可以轆到㗎！
一般人可以跨過好高嘅石級就輕易出入，電動輪椅就無可能喇。手推輪椅都還OK...只要有人夠力抬就唔成問題。
3. 通往「高美濕地木棧道」有2條路可以選擇：
1.由無障礙入口入...中間就係海濱長廊，一直轆到盡頭就可以去到木棧道，路面尚算好轆，但離開時必須原路折返。
因為無障礙路段只得入口位係平路，盡頭(出口)要上一小段勁勁勁斜嘅斜坡(有相)
之後又要再落另一段又係勁勁勁斜嘅斜坡滑車，希望將來有改善啦。
而第2條路就要喺馬路上轆...但去木棧道之前係必須經歷那2條勁勁勁斜嘅斜坡。
4. 其實2個方法都去到木棧道，問題在於想唔想過果條勁勁勁斜嘅斜坡。因為高美濕地一帶有幾間cafe，全部都係近馬路果邊，所以果段勁勁勁斜嘅斜坡可以縮短路程，如果唔係，吓吓就要係海濱長廊果段路來回折返，然後再兜路返馬路。路程都幾遠吓！
今次離開「高美濕地」改搭309巴士，因為預計會用較多時間睇風景，要的士司機喺度等等等會好貴，況且搭巴士都算方便。但由「高美濕地」去巴士站嘅路線指示唔清晰，總之沿路keep住問人「18號風車」係邊然後跟住行就可以了...
(官網圖片)
記住，時間要預早又預得好，因為尾班車係7:10pm！
沒有留言:
發佈留言