【2018台中遊記】 Day 3: 蘇媽媽蛋餅、台中市第六市場、麥當勞招募體驗屋(市政府大樓) UNO市集、小佐お茶作、塩水麵店、春雪冰之の屋 part 1

【2018台中遊記】 Day 3: 蘇媽媽蛋餅、台中市第六市場、麥當勞招募體驗屋(市政府大樓) UNO市集、小佐お茶作、塩水麵店、春雪冰之の屋 part 1

今日決定瞓到自然醒...hea飽hea夠先出去食早餐...

但其實呢...想食一份有質素又夠道地嘅早餐...
係唔可以hea得太離譜先出門口...

人家賣完就休息然後就see you next day...

呢間「蘇媽媽蛋餅」就係例子之一...

去到門口已有人排隊，全部都係台灣人...好感大增又期待！

呢度先用紙點餐

搵位坐、送餐再比錢...假如食店太忙碌嘅話

客人用餐後要將餐具自行收拾放喺sink盤內...

今早除咗要夠local之外，更想台味重一d(only me咋)...order咗2份蛋餅，一上枱就聞到好香！
1.九層塔蛋餅

Woohoo...九層塔嘅獨特味道未必人人接受，但自己就勁鍾意，煮過嘅九層塔味道更濃郁
配埋雞蛋根本就係天衣無縫！super好食！

2.總匯蛋餅

有芝士、粟米、煙肉...煙肉意外地無過鹹！三樣食材本身已經好match...

2份蛋餅嘅餡料各自各精彩！但共通點都係好有質素，蛋味好足
餅皮煙煙韌韌，份量好夠，加多杯凍豆漿真係飽到無得輸！

今日主打hea...食飽慢慢行去下一目的地「臺中市第六市場」...

門口嘅巨型擺設好搞笑，尤其紅蘿蔔....

「臺中市第六市場」其實係shopping mall...

但其中一層有food court、賣水果、雜糧麵包...

於是又係咁二食咗d嘢囉(其實仲好鬼飽==')..

鬼咩！有間專賣饅頭...

無論點飽都要食一個，合口味嘅話又可以買D返hk做早餐...

試咗一個黑糖味...

呀！口感唔夠鬆軟，但黑糖有驚喜！
食到一粒一粒又起沙嘅...幾特別...但無買喇....