【2018台中遊記】 Day 3: 蘇媽媽蛋餅、台中市第六市場、麥當勞招募體驗屋(市政府大樓) UNO市集、小佐お茶作、塩水麵店、春雪冰之の屋 part 2

【2018台中遊記】 Day 3: 蘇媽媽蛋餅、台中市第六市場、麥當勞招募體驗屋(市政府大樓) UNO市集、小佐お茶作、塩水麵店、春雪冰之の屋 

part 2

離開「臺中市第六市場」後繼續向「UNO市集」轆過去...

從遠處見到麥當勞大型吹氣擺設，非常矚目...
又轆去八掛吓...嘩嘩嘩～裡面做到好似game day booth咁...

又有一個小舞台(應該事前有表演)...仲有小禮物可以換...

再望多幾吓，原來係麥當勞招募活動...唔講真係唔知，所有嘢做得好有心思！

八掛完喇...再到「UNO市集」...

嗯～範圍唔算好大，勝在有好多地方比人坐、睇表演...

同時亦有小檔攤...但唔太吸引...行行吓仲落過雲雨添...

因為想過返「草悟道」果邊，唔打算行喇，改搭公車...

公車301-310任選一架，喺「科博館」落車。
順便行吓「草悟道」當日有街舞比賽，又有市集...
熱鬧又人多...其實「草悟道」有d位影相好靚...
但週末好高機會有活動而影唔到，可能平日好d啦...
有經過「勤美術館」但無入去lu...

點解？因為望一望手錶，心儀嘅「小佐お茶作」

飲品店就快關門喇...所以突然間又趕趕趕...好在關店前10分鐘到！

好多想飲嘅都sold out喇...最後叫咗杯「凍伊莉亞紅茶」走糖...

嘩！好好飲喎！一d都唔澀口...飲落仲幾滑口...正！

搵路去「小佐お茶作」途中見到有間食店坐滿人，裝潢望落好local...
所以折返去試一試先。無影食店外圍呀，落雨呀嘛。

由於係誤打誤撞，好隨意order咗一碗乾意麵、一碗湯意麵、皮蛋豆腐、魯腱子肉....
四樣食物望落平平無奇...但全部都好好食...
意麵嘅質感有d似港式撈粗果款粗麵...
配料離不開炸紅蔥酥、蔥粒、甜甜哋嘅台式肉碎...
另外，食店嘅小魚干辣椒醬超級好食！好辣吓！
加一匙已經好夠味...當刻好有衝動買一樽返hk...
無買呀，而家咪後悔囉～

好喇，終於去到是日嘅la士一餐...就係刨冰喇！夏天嚟到台灣係唔可以唔食刨冰！

呢間「春雪冰之の屋」最近先開咋，好似開咗一個月左右。
輪椅入到㗎，門口有斜坡。食店裝潢係和風style...

果幅富士山牆畫好靚呀！完全係一間ig-able店～

因為又係好夜先嚟到，所以刨冰選擇唔多。
order咗：
抺茶山丘

抺茶再濃郁d會更好，因為冰會沖淡d抺茶味。

紅豆好食，豆味好吸引。

百香澄果

一食就食到百香果味，完全唔會有藥水味。

最正係周邊嘅水果，似柑，好甜好多汁好好食

day 3～完。


食店資料:
小佐お茶作(向上店)
台中市西區向上路一段136-1號

鹽水麵店
地址 : 台中市西區中興街109號
電話 : 04-2302 3112
營業時間 : 11:30~21:00 (星期一公休)

春雪冰の屋
住址:台中市西區長春街49號
電話:04-23106191
營業時間:下午1:00~晚上9:00，周一公休