【2018台中遊記】 Day1 : 外埔忘憂谷、高美濕地、瓦庫燒肉 Part 1

【2018台中遊記】 Day1 : 外埔忘憂谷、高美濕地、瓦庫燒肉 Part 1

喺台中有好多旅遊景點好值得去睇...某d地方更有巴士去到之餘更可以比輪椅上落，但班次密度好參差，時間規劃要做得周全D。但如果想去一d鮮為人知嘅郊外睇靚景，除自駕遊外，包車一定係不二之選...遇上好人司機更加係amazing bonus呢！今個trip有包車呀，遲吓再分享。

落機後第一個非去不可嘅景點就係「外埔忘憂谷」」上網搵資料時已經好想好想去...最愛睇大自然風景嘛。
沿途不斷望天空，半陰半晴咁...其實好忐忑㗎！一來全戶外，落雨會好麻煩！二來真係好掃興囉！

終於到喇喂！勁靚呀「外埔忘憂谷」」！其實天色仍然一般般，好在藍天白雲係向住一大片稻田果邊，超感恩呀！但要快手影+睇，因為烏雲不斷吹緊過嚟...

不過，望住呢一大片綠油油帶淡黃嘅稻田...真係嘩到停不了又治癒...而且又係最愛綠色嘛！仲有，稻田範圍極大極空曠！輪椅任轆無難度，但小心唔夠電

仲有仲有，呢度空氣又好好...每一吓呼吸都係大自然嘅氣味...好舒服！好正！另外，稻田嘅顏色係會隨住時令嘅農作物而改變...

唔知下次再嚟又會係咩色呢？如果遇上向日葵就好喇

呀！如果想嚟「外埔忘憂谷」」嘅話，一定要book車...無巴士㗎...當然自駕遊亦可以啦～