今日一早就CHECK OUT起程，天陰陰，但又好彩未落雨，唔理lu, 出發去伏見稻荷。
今次搭京阪電鐵，之前喺機場已經買咗京阪電鐵--京都 觀光一日券，去伏見稻荷同宇治就平d啦!
yeah!
到站，一睇就知到咗啦，成個景點擺咗喺度﹗靚﹗
落站跟住人潮行(有大量俾你跟)，就會到伏見稻荷。
一路行旁邊都係手信鋪同小食檔，而家玩咗先，
唔得閒食住啦。
5分鐘多d就行到伏見稻荷，一貫嘅日本神社。
正面大大條樓梯，不過呢度兩旁有無障礙斜路俾輪椅上去大殿前
側邊有幾間商店
一般遊客就會喺呢度行多廿幾級樓梯上去嚟伏見稻荷最重點嘅景點--"千本鳥居"
但坐輪椅要上鳥居，搵咗好耐都唔confirm有冇路，
終於千辛萬苦搵到有個日本輪椅使用者介紹點上去鳥居，
網址﹕http://stylekbrog.blog.fc2.com/blog-entry-405.html
大家可以參考吓，睇圖都明，唔駛怕日文。
我今次都膽粗粗跟住行咗次，大致ok嘅。
輪椅使用者上千本鳥居方法，去相﹕
上到去面向大殿，望向右手邊嘅「東丸神社」棵樹，樹側有條路(下圖)，行入去。
途中無分岔路，直至見到下面呢個景，轉左，繼續行...
繼續行．行
繼續行．行．行
繼續行．行．行．行
直至見到呢度轉左行
行．行．行
見到日本首相又轉左
行到呢度，難度嚟啦﹗
全程只有呢2級，不過有前人已經擺咗石塊喺度幫手，
其實又唔係勁高，尤其係第一級，都算上到。
但上咗後點都要搵人喺後面推一推，
所以有人同行就好d啦﹗
咁當然如果用手推輪椅呢兩級唔係問題，
坐電動輪椅嘅，自己執生啦﹗
留意石塊唔係黏實地下嘅，但上嗰時都穩陣嘅。
不過第二級我就上咗好耐先上到啦﹗
之前咪提過天陰陰嘅，其實前一晚落雨，
所以地面濕滑....
好。跣。軚。呀。
呢級高過第一級，如果唔係地濕，我估無問題嘅。
咁點算呢﹖
我諗呢級我試咗10分鐘度，前轆都係上唔到，
當中試過叫朋友搬石擺過d位，都唔係幾掂，
最後我見左邊地乾dd，就將石搬過嗰邊再試，
終於得咗，開心到爆呀﹗
上完兩級，就係呢度，碎石濕泥路，好"dun"
望左面已經見到鳥居啦﹗
大殿行到上嚟，我諗正常10分鐘內必到，不過嗰兩級就睇閣下造化啦﹗
待續...
沒有留言:
發佈留言