本身都鍾意食CAKE...
所以嚟到梅田先會一會HARBS...
佢嘅分店多到不得了，同樣地網上面又係大推特推之店...
當日去到...仍然要排隊...但唔算誇張...
估計20分鐘內就可以入座...
原來打算入去坐低嘆吓咖啡食吓cake...
然後記起喺日本入餐廳食嘢...
好多時各人都要order一杯飲品...
既然呢度出名食水果千層cake...又衡量自己d盤川....
就不如外賣2件cake啦...
齋望未食之際....
確係認同d cake好吸引...顏色配搭得好令人開心...
左諗右諗之下...選擇咗蜜瓜...
綠白互搭...真係靚到呀~~
喺日本食cake...一定一定要食cream...
不論係便利店又或者係cake店...
Cream嘅水準真會令人食到心心眼...
蜜瓜好清甜...cream都幾滑...ok啦
另一款揀咗雜果千層...
呢款比較漏....
先係有cream...三樣水果都甜...
就連青奇異果都唔酸...
食完2件cake好想飲杯熱飲...@@
行無半粒鐘見到"mister donut"...點可以錯過...
煙煙韌韌...口感好正...係甜咗d囉...
介紹返先...梅田係好多嘢行/買嘅地方...
男女老少想買嘅都有！mall有萬七個...
同時梅田亦係大阪嘅交通樞紐，好多條地鐵都會經呢度..
大家可能都聽過日本有好多地下街...
梅田就有齊哂以上嘅嘢，仲要無。敵。大。。。
總之，大家量力而為，好自為之........(XD)
講返我個行程，食飽飽，就開始shopping之旅...
第一站去咗yodobashi，掛名係一間電器鋪...
但入面賣嘢嘅樓層有14層！每層我諗....
都有...8間沙田一田超市咁上下大！！
電器、文具、衫褲、玩具、扭蛋、單車、
鐘錶、手袋等等等等...乜都有...
仲有層餐廳，行到冇命！
揀d嚟行都閒閒地用你2,3粒鐘@@
經過迷失Yodobashi後......
趕住收工前要去到梅田空中展望台...
去呢度有d複雜...
望向梅田空中展望台方向過條小馬路...
就落去條無敵長隧道，我諗電動都轆咗5分鐘！
出口係樓梯，但左面有斜路上(橙線)....
上返地面就要大U-Turn去終點啦。
嚟到呢邊..周圍都有藝術嘢可以睇吓又影吓...
想去睇夜景嘅話...記住去是但一棟building搵職員問吓...
因為一般人會搭扶手電梯就ok...
但輪椅使用者要搵專人帶住行...
而且路程十分迂迴曲折...
又要轉幾次lift....
再行秘密通道....
隻眼都未回魂就已經到~咗~lu~
靚呀呢個...好3D！
個觀景台係一個圓圈狀... 有上下兩層，下層Indoor,上層Outdoor
一上到outdoor嗰層...最先令我注視嘅...
竟然係紫外燈射落衫褲鞋襪嘅顏色變化...
然後心中又諗吓...自己手被紫外燈照吓..
係咪會見到好多細菌...?！
哈~有夠無聊...
落完一整日大雨...
天色係清好多...
夜景係幾靚....
但其實係咪代表光害好嚴重嗎?
(大煞風景就係我呢類~)
睇完夜景要走人...
未食晚餐呢....
好多食店收咗lu...
好在仲有便利店...
呢個烏冬亮點薑粒...
絕無欺場....
正！
呢d更加唔駛講...一個字:好掂
最愛食蕃茄...日本蕃茄好好食！
睇夜景之前行咗一轉百貨公司....
一見超市部就立即轉過去行下八下...
買咗2款沙律...
2款都好食...南瓜好甜呀~
今日shopping @ flying tiger有收穫...
我仍然覺得右手邊個queen好似羅蘭...
(XD XD XD)
待續....
沒有留言:
發佈留言