大阪。大阪港

遊完天守閣...
雨就越落越大....
嘩哈哈！

喺"森之宮駅"上車...
然後喺"大阪港駅"落

因為附近有海遊館...

所以車站以藍色為主...

又有大量海洋動物圖案...

興趣不大...最終無去呀...

離開車站...老遠就會望到"天保山摩天輪"...

朝住佢嘅方向行就OK喇....

嚟呢度一心玩摩天輪 & 順便飽覽一吓四周風景...
點知....大雨到呀....
浪漫呢～
但其實我鍾意大放晴先玩囉...
天氣不似預期就係呢款喇...
"大阪周遊卡"已包摩天輪費用...
唔駛再排隊比錢入場...

摩天輪有2架車箱比輪椅上...
由地面上進入車箱係有斜板用嘅，但十分平坦...
完全無驚嚇時刻....

落雨最吸引我嘅地方就係....
七彩繽紛嘅雨傘...
人人都唔同...
靚呀~
摩天輪全程玩15分鐘...

玩完就去食嘢...
先入返去"EKI MARCHE 新大阪"...
裡面有一個大型food court...

網上好多人推薦"北極星" 
主要食咖哩蛋包飯...
口味人人不同...
保險d就先買一份外賣...


揀咗咖哩雞肉蛋包飯...
細緻嘅味已經忘記七七八八...
只記得唔鍾意食...

又係比人大推嘅"會津屋章魚燒"....

揀咗蔥燒...

唔知味道點...
先買一盒...

12粒...
又係唔鍾意...

第三試"自由軒"，又係網上大推...
完。全。唔。鍾。意。
d飯係超級濕...
咖哩帶少少酸..
唉...
連中伏三次...
走人呀...
出去再搵食...

冒住大雨都要影埋先...

待續...