大阪。東横inn

今晚入住嘅酒店位於大阪船場...

(網上圖片)
"東横inn"屬於連鎖酒店嘅一種...
除咗全日本有分店之外...
喺其他國家亦會見到佢哋嘅蹤影...
日本酒店通常有兩類...
第一類就係最常見嘅房...即係無乜特別之餘...
又令輪椅使用者造成諸多不便...                                                  
第二類就係無障礙房...通常價錢會較貴...
因為房size會大dd...
另外，無障礙房會比較搶手...
因為呢類房間數量有限...而且只有個別酒店提供...
好多時候要應付本地人國內旅遊嘅需要...
已經full booking...
正所謂:近水樓台先得月...
外地旅客往往會遲人一大步...無房可訂...
今次有幸book到無障礙房...
當然要體驗一吓啦....
一入門口...不停喺度"嘩！嘩~嘩~" 
好闊落呀~~~~

首先...左右兩邊各一張雙人床...

有獨立廁所...
完全足夠比輪椅360度自轉..

最重要係...洗手盤下無阻礙物...
可以輕鬆舒服咁梳洗...

廁紙架高度亦適中...
唔會離開馬桶太遠...

浴室亦有好多貼心配置...
眼前粉紅色嘅浴椅...
既可調較高低...又防滑...會令人坐得好放心...

紅色圈係救命鐘...
一拉落嚟...alarm會響...
然後等支援...
睡床周邊、浴室、廁所通通都有...
數量唔少呢....

其實呢度有2張可調高低嘅椅...
同樣係防滑...
總有一張附合需要...

如喺浴缸沖涼...
洗頭水之類會稍稍高咗少少...
但唔怕....

地下又有另一set可以代替....

最鍾意花灑嘅設計...
箭咀所指住嘅就係花灑開關制...
當手肌唔靈活又滿手番梘時...
呢個制好幫到手...
左按--->關
右按--->開
好方便好好用呀...

最後就係呢個去水位(箭咀)...
初初未見到就已經盤算緊...
d水會流去邊?會流出廳嗎?
後來發現...
好多好多嘅假擔心都一一拜拜...
哈！
曾經喺日本住過一d酒店...
一個行李加一部輪椅已佔去大半間房...
根本唔會有多空位讓輪椅使用者走動...
莫講話自己沖涼或如廁...
但呢間酒店令我改觀之餘又見識多咗...
之後果幾日都無需再轉酒店...
住得好舒服呢....

待續....