外遊知多d。電動輪椅使用手冊(for航空公司)

一如以往...同樣帶電動輪椅外遊...

以前呢...我喺出發前去到機場check-in先同職員講有電動輪椅上機...

好多時航空公司嘅地勤見到我預先無申報...

佢哋就會無敵緊張...又出盡法寶去問"究竟你架電動輪椅係咪200%安全?"

所問嘅問題可以係:

「你架電動輪椅有幾重?」

「你架電動輪椅用咩電?乾電?濕電?鋰電?」

「你架電動輪椅舊電點樣拆出嚟?」

「你架電動輪椅舊電watt數有幾大?」

「你架電動輪椅邊度買?」

「你架電動輪椅有無標籤可以話比我哋航空公司知道係咩型號?」

「你架電動輪椅有無公司電話可以比我哋航空公司打去問吓?」

(呀！呀！呀！呀！呀！呀！呀！呀！呀！呀！

好煩呀！呀！呀！呀！呀！呀！呀！呀！呀！

問夠未呀！呀！呀！呀！呀！呀！呀！呀！)

~~~~~~~~~~~~~~~~~~~~~~~~~~~~~~~~~~~

fine！今次嚟個反擊！主動聯終航空公司，預先同佢哋講有電動輪椅上機...

再email電動輪椅嘅使用手冊比佢哋...

由佢哋睇！有乜就問本手冊啦！哼！

哎吔吔...

去到櫃台check-in....從未試過咁順利！

完全係零煩擾！

果刻，你會感受到佢哋好安心...又淡定...

好似食咗定心丸咁 O.o

(真係估你唔到)

~~~~~~~~~~~~~~~~~~~~~~~~

搞好所有登記手續後...

電動輪椅就要交比地勤處理...