外遊知多d。電動輪椅也上機

如決定外遊帶埋電動輪椅嘅話，其實需要好大勇氣...

但當一切settle後，整個旅程就會輕鬆自在...
不論自己或陪同嘅朋友/親人...
一位職員會先辦理登機手續...
然後另一位職員就會同你展開一輪"芝麻綠豆問問問之電動輪椅Q&A"時間...
明白係為安全好...好事嚟嘅
(但...真係被問到好煩囉...唉....)~

後來試咗預早email一份電動輪椅使用手冊...
blog 文: https://wheelya.blogspot.hk/2018/01/dfor.html
情況又變得不一樣....
~~~~~~~~~~~
每當問答完畢後(即順利過關...呼~)...

電動輪椅就會準備寄倉...亦係自求多福嘅開始...
因為你唔知下次再見輪椅時，架車會否安然無恙(擔心!)...
與此同時，要暫坐機場提供嘅手推輪椅(右下圖)去過關出境...過程好快...因為有專人guide住自己+陪同者...所以完全唔會有時間比你知道+記得究竟而家係去到邊一part...
總之輪椅一停低...就已經到達登機門口...然後再轉另一部窄身輪椅(左下圖)...
入機倉...由於呢個輪椅超窄又細...一定！一定！一定！一定要用安全帶！(10級重要)
除非你想比人倒垃圾般似的咁跌落地...
因為我試過...超驚嚇！為保命仔...一定要用安全帶！
佢提供幾多條就用足幾多條(頂多得2條:D)...
好喇!終於入機倉...過椅....起飛!!!!!