轆想說。輪椅廁所

呢單新聞令我諗返大概一星期前左右喺深水埗搵輪椅廁所嘅經歷...

好多時候出街，除交通或附近一帶嘅無障礙設施需要顧及...
另一令我神經緊張又會感到不安嘅就係邊度搵輪椅洗手間...
人有三急，往往並唔會因為出街前飲少d水又或者出門前零進食就會大大減少突如其來嘅生理需要...
急就係急，邊忍到咁多？！有時未必熟悉該區嘅輪椅廁所位置，多數會選擇政府building，例如圖書館、大會堂之類。
當晚真係無啦啦好肚痛，以當時地段嚟講，市政大廈係最近自己。
搭升降機嘅時候已鎖定最高樓層嘅體育館洗手間(係呀！搏佢人流可能少d)點知去到有人用緊‼️隔咗一陣忍唔住敲門，因為真係堅急‼️
傳出一把男人聲：「未呀，未咁快呀，啱啱入嚟咋)

我唯有爆一句：「我有得揀嘅話都唔會敲你門啦！」
～～～～～～～～～～～～～～～
當刻，我無辦法知道+證明佢係咪 #輪椅使用者
當刻，我真係 k!")?:6<%!,\=£>急
當刻，眼前只有一個輪椅洗手間 其他樓層嘅壞咗又封咗
當刻，男女廁格有好多，但入唔到無得用
當刻，我零選擇
當刻，我向體育館職員擺出一副「快要賴出嚟」嘅樣子，但佢哋應對嘅態度冷如冰，靜過宇宙。
明嘅，真係未比人鬧過咩？！
其實香港嘅無障礙設施的確不斷進步，奈何公民教育卻好似停滯不前咁。
我明白坐輪椅唔係大哂，但當刻嘅困局，真係單以「將心比心」就可以暫且解決。
唉...
最後，不論你係咪輪椅人士睇到呢篇po希望share出去...
將呢個msg帶比你身邊嘅人，食花生心態又好，認真討論吓都好。
希望增加周遭嘅人對無障礙設施 存在意義，我相信耳濡目染係work㗎～