Romanne Leisure Food Concept 。旺角

莘莘學子開學了，學生不是我...不過同時亦意味住星期一至五無得再輕易地約朋友食晚飯lu...
有見及此，嗱嗱臨約人食多餐...

今次幫襯一間西式餐廳，位於旺角。

其實食店似cafe多d，尤其用上鎢絲燈泡更加好feel..
甚麼談心呀談情呀就最match呢個環境喇...
～雖然店子細細，但可容納嘅人數亦唔少，坐喺輪椅上嘅我亦可佔一席位...
店內有high table又有一般枱櫈...

最讚就係可隨意移動，郁少少轆入少少，大家都方便～
枱下無任何頂腳東西， 輪椅 使用者可以方便駛入。 

平日夜晚walk-in入食店，坐滿7成左右～

坐嘅位置剛好對住open kitchen

是晚叫咗：

Chicken Quesadilla 墨西哥雞肉夾餅 ($78)

無諗過餐前小食會比咁多塊...雞肉無''鞋''喎，而芝士又夠多...隨碟附上酸忌廉+牛油果醬...好食喎！
仲有，咪以為中間嘅沙律淡而無味，只作裝飾。其實有落dressing，酸酸哋，醒胃呀！

Crispy Crab Red Curry Risotto 軟殼蟹紅咖哩意大利飯 ($118)
～軟殼蟹好脆！好食嘅...但risotto嘅汁過份鹹，食完勁口渴！no good呀

Smoked Salmon Spaghetti 煙三文魚檸檬忌廉意粉 ($98)
一向唔太鍾意食生嘅煙三文魚，總覺得太鹹又有筋...
order前有d猶豫想縮沙唔要...但因為見到''檸檬'' 二字又心思思想試...哈...
pasta上枱後就發現d煙三文魚已煮熟...當堂好感度大增
意粉係幼身，似angel hair...感好好呀，唔會過硬或太淋身...
以忌廉乜乜意粉嚟講，呢碟唔算好多油，sauce亦無氾濫...同埋意粉裡面仲加咗capers(酸豆)鹹中帶酸，可以中和一吓飽滯感～
(要加一)
呢間食店輪椅都可以去...

朗豪坊戲院再行前

見有''朗晴坊''就無錯喇，升降機有2部，搭lift上7樓 ...
一出lift就係食店喇...

食店資料:

Romanne Leisure Food Concept (旺角)
旺角砵蘭街215號朗晴坊7樓