大阪。last day part 1

最後一日玩大阪... 早早起身去「彩彩」食拉麵做早餐~~


喺「御堂筋線」昭和町駅落車... 未夠11點已經到喇.... 唔駛排隊直接入座(正！)... 
先order每日數量限定嘅「清澄鷄塩らーめん」... 好香~好香~ 清澈嘅湯...
但雞味十足...好好飲呀~ d雞肉又軟又滑...好正...

 

第二碗係「白鷄塩らーめん」.... 顏色上同「清澄鷄塩らーめん」
好大對比... 湯頭仍然雞味濃郁...口感較creamy... 
全碗飲哂會有少少漏... 日本拉麵內嘅筍真係好好食...
感覺好嫩... 其次最欣賞係蔥粒...
好香蔥味之餘... 亦可以睇到日本人嘅刀功真係好勁...

門前一小級...輪椅都入到呢... 店舖唔大...
但容納一部輪椅係無問題...
  ~~~~
今日行程主要行街+初次到大阪旅遊必到嘅景點+買手信...

黑門市場」.... 裡頭有好多遊客...通道都算闊... 
店舖多數賣生果、魚生、海鮮、口碑高企嘅必買手信...etc 
倒米嘅我...覺得物價比較貴... 
所以..行咗10分鐘都唔知有無就離開咗... =p 
 
鍾意下廚嘅我最關心就係可以去睇吓  

+買吓廚具/烘焙用品... 當然要去「千日前道具街」朝聖一番... 
but...無收穫喎！ 因為裡面嘅舖頭主要賣一d比人做生意用嘅大型煮食用具...

size太大...用不著...

唯有走人去「心齋橋」逛吓....

woohoo~~「心齋橋」真係長行長有...

鍾意血拼衫褲鞋襪手飾精品潮人玩物嘅話...

spend一日係度可能仍然唔夠...  

but...我又係無乜興趣~~~囉...

不過...假如係第一次到大阪/日本旅行...

真係要見識吓日本呢一類嘅shopping zone...

不得不佩服佢地將街道規劃得井然有序...

商店琳瑯滿目...遊客亦多...但地下仲保持整潔...

好勁呢~

~~~~~~~~~~~

行街行到悶悶地...

索性去搵食...

先食章魚燒...  

唔....可能我真係食唔慣大阪嘅章魚燒...

一來味道比較鹹... 二來質感係較濕...就算外層第一啖都係軟身...

整粒食就係餬餬嘅口感... @@
  ~~~~~~ 食食吓醒起有樣手信係唔可以last  minutes先去買...
  所以要轉一轉場去咗百貨公司...

為的就係佢 : pocky百力滋の高貴華麗版...
嚟大阪之前...有朋友話呢條line嘅pocky百力滋好好食...
  口感寧舍不同乜乜乜... 又話食完一次就返唔轉頭物物物...
  好似好勁咁....

期間限定」四字一詞喺日本隨處可見...
任何商品只要加呢4個字就會令人迷失自我...
唔擁有過就好似心有戚戚然...
呢隻「期間限定蜜瓜味」就係例子之一....
仲要我拎完呢盒後...
sales姐姐放上「sold out」一紙係櫃架上... oh well...

好好好！買完立即搵個隱閉地方食....
係呀...日本人唔太鍾意喺食店/屋企以外嘅地方/街食嘢...
入鄉隨俗...我亦低調d先食... 個包裝靚到呢...
佢會令人不自覺咁溫柔地撕開包百力滋...
一盒有5小包...一包有4條.... 一打開就聞到蜜瓜味...

 味道唔算過分甜... 但與一般百力滋嘅口感真係有出入...
呢隻食落去比較扎實... 好似食緊一條幼身嘅餅乾...
係幾得意...但唔平囉.....

除此之外....行過生果區...

見到d水果好吸引！左揀右揀之下....

選擇咗蜜瓜... 一打開蓋就聞到好香！
果肉超級juicy！果質又棉滑！ 好好食呀！

待續...

資料補充:

麺屋彩々 昭和町本店 電話：06-6628-5999 地址：大阪市阿倍野区阪南町1-46-8 (不定休) Bâton d'or (高島屋大阪店) 地址﹕〒542-8510 大阪市中央区難波5丁目1番5号 髙島屋 大阪店　地下1階