台北 day 5。劉山東牛肉麵

「光泉鮮乳」出現乃是因為...

友人對奶類製品係die hard fans...
前2日飲完「湳雅夜市」嘅鮮乳珍珠...
之後對「光泉」念念不忘...
所以見到任何便利店就直衝搜索...
皇天不負愛奶之人...今日早餐前一口氣KO了...

多年前好愛飲「純粹。喝」...

今時今日感覺大減...

就算香港有得買亦不為所動...

今日係最後一日係台北喇...

天氣仍然無敵勁曬...

接著落嚟仲要坐喺食店外進餐...

其實輪椅可以入店內.....之不過客人實在好鼎盛...

全店坐滿...時間又緊迫...

基於eat or not eat情況...

唔理得咁多...

要咗一碗「紅燒牛肉麵」...

嘩！嘩！嘩！好正！

大大塊牛肉勁軟淋...完全無筋又勁入味！

好大碗...仲要係粗麵條...

d湯仲要好好飲！濃而唔膩！好香牛味！

另一碗係「清燉牛肉麵」...細心睇...顏色淺少少...

店員唔講真係分唔出兩碗麵之分別...

呢碗麵雖然少咗「紅燒」二字...但味道一d都唔輸蝕...

少咗一份醬油味...牛味又會再突出d...

兩碗都好鬼正！大家已經講定下次要再食過！哈~

好趕~好趕~要趕下場...要搭捷運...

台北車站地下街可以四周八達...

on the way...去月台之時見到呢間店舖...

食完牛肉麵未飲過嘢....

又買一杯....

但。中。伏。了。

待續...

食店資料︰

劉山東牛肉麵

電話：02-2311-3581

地址：台北市開封街一段14巷2號