台北 day 3。湳雅夜市

無錯...又去夜市...

係呀！晚晚都唔厭架...
今晚仲要返兜「湳雅夜市」...
事源係前一晚去...心儀嘅食檔無開...
於是Facebook inbox問吓檔主幾時再開檔做生意...
如果今次食唔到...又要等下一次再嚟台北先有得食...
見檔主回覆後...去完「臺大」決定再返回呢個夜市...
無錯...為的就係呢一碗泰式青木瓜沙律...

大大嘅一碗...夠辣夠酸花生又夠脆...

木瓜絲份量好多又爽...最重要係有好多蕃茄仔(心心眼)...
至今返到香港仍然回味...
清新完一番...當然要食返一個重味d嘅美食啦...

呢一檔係走低調路線...

即不知不覺會錯過檔口...

但就算到達檔口又未必即時發現...

欣賞呢款食物...會立刻比佢嘅香味停下腳步...

再望望周圍...就會見到好多人買外賣或等位 

da da...就係台式臭豆腐...但臭味同香港唔太一樣囉...

檔主完全無停手不停炸...所以酥脆度100分！

每一粒豆腐都係十級熱...再加埋周邊辣醬+台式甜泡菜...

無。得。頂。爆。炸。好。食。

下次再去台北一定一定要再食！(手握拳頭)

其實呢個夜市有好多美食都好合我口味...

基本上每次去台北都會食鹽水雞...

但唔係次次都買到好食...

直至遇上令人眼前一亮嘅「雞房重地」.... 

每一件雞都好入味...肉質完全有保證又唔會霉...

尤其d雞皮...係爽脆！

鹹度剛剛好而辣度可以自己選擇...

仲有大量幼幼嘅薑絲、蔥粒...香口到呢...

配料通常會揀青瓜、豆干...總之會索汁嘅...

最難得係...所有食物都係凍嘅...

因為食過一d係帶微暖...

從來無試過食鹽水雞食到下次去台北一定要再encore...

(諗起都興奮)

呀！「雞房重地」係連鎖店...相信係街上不難搵到佢嘅雞影...

至於質素係咪間間一樣都好難講...

待續...

「湳雅夜市」搵食參考︰七先生與艾小姐 - 湳雅夜市