關西機場-->神戶機場-->酒店check in-->神戶港夜景-->回酒店休息
架電動一無事之後...就拿拿聲出境...
然後先去遊客中心拎地圖、買埋呢幾日將會用嘅交通套票、參觀景點入場卷...
見有少少餓...先上機場內嘅food court食碗拉麵...
冰水真係超冰凍...仲要無限添飲...
~~~~~~
然後就搭船去"神戶機場"...
因為有少少意外...賣船票嘅counter、船票價錢...etc...嘅相影唔切...
所以搵來另一個網誌做補充--> http://lohas.pixnet.net/blog/post/32250205
(內容非常詳細)
~~~~~~~~~
順帶一提...日本人在交通上嘅時間觀念係非常之堅持...
一向都係好好好好準時...除非有突發情況啦...
買好船票價後...就可以去機場外嘅巴士站上車往碼頭...
日本嘅巴士都有比輪椅使用者上落...
但靈活度及方便度就真係一般般...
首先巴士車身係無得降低少少...
當擺上斜板後...
地面同巴士嘅距離仍然係好高...
變相輪椅上落斜板時會相當吃力...
當日坐電動嘅我...
上斜時...會覺得架車好似唔夠力咁...
因為實在太斜喇！！
需要司機係我車後幫手一齊推先上到車...
其實咁斜都幾驚！
落車後就緊接上船...
連接地面及船身嘅斜板做得好好(比香港好)...因為好平穩...好輕易入到船倉內...
之後工作人員會要求輪輪椅使用者過船上嘅椅...
而輪椅就放係另一個位置...
30分鐘後就到達"神戶機場"
寂靜無人~~
再搭地鐡出市區...
無人駕駛列車...有機會記住坐車頭...
感覺好正！
"三宮駅"落車...
用google map搞咗一大輪先搵到酒店所在地...
check in後...
去咗附近嘅"神戶港"遊覽吓...睇吓夜景...
離遠已經見到神戶塔就知自己無行錯方向...
繼續向住呢個方向行就會到達"神戶港"...
嚟到"神戶港"必睇+影相嘅有:
神戶塔(左)
神戶海洋博物館(中): 外型係白色網狀...十分之簡約又耐看...從外面睇已經覺得呢座建築物好有型...入夜後會亮燈...相信白天嚟又係另一個feel...
Oriental Hotel(右)
三座建築物之中...最鍾意神戶塔 :)
感覺夜晚睇會靚d...
之後再睇埋MOSAIC廣場+摩天輪....
摩天輪會不停轉色...
周圍環境亦好似去咗外國咁...
MOSAIC廣場隔離有麵包超人館...
但太黑...手機影唔到...
行行吓覺得凍...可能近海又有風...
要走人....
話咁快就返到酒店...
去咗7仔買少少嘢食就返酒店lu...
酒店lobby有個lounge比人任坐...
有得上網呀、飲品咖啡任飲...
我都沖咗一杯飲...雖然係機沖...但好飲喎...
飲完咖啡再拎支飲品上房...
以為椰子水好清甜好pure...
嘩！有提子味嘅=='
中伏了....
今次入住"REI HOTEL"...係集團式酒店...
上到房先發現無浴缸...
好在有浴椅借用...哈..
最鍾意佢地提供嘅手機叉電線...
咩機種都有...
好方便...
噢...瞓覺喇~~
沒有留言:
發佈留言