香港-->大阪 part 2

今次短途機都有飛機餐食...


味道OK啦...通常唔會食哂...
因為要留肚比之後嘅美食...XD
~~~~~~~~~~
由於轉機時間只有45分鐘...
各工作人員都明白相當趕急...
過程好順利...
所以好快又登上由台灣去大阪嘅飛機...
~~~~~~~~~~~
大概2hrs後就到達大阪...
工作人員會用手推輪椅(下圖)去機倉接我去出境大堂...

日本呢架手推輪椅都幾好坐...
見到圖中嘅箭咀嗎?只要用腳輕輕踩落去...
外轆就會甩開...然後變成窄身輪椅...咁樣就可以係機倉輕易出入(香港應該仿傚囉!)...
當離開機倉後...再次裝上外轆...
輪椅使用者再次恢復自由
(但其實落機之後...滿腦海都係掛住自己架輪椅...10萬個擔心..)


好咯!好咯!私家輪椅出嚟喇...
呢刻一定要好好好好仔細check下輪椅有無乜唔妥...
尤其趁航空公司職員未離開...
因為佢地一定會幫你盡量解決問題...同時亦會將d問題記錄在案...
方便日後可能需要跟進或追討賠償...
今次我遇到嘅就係架車唔通電、不同部分有損壞、失靈...
嘩！真係驚到呢~
始終人在外地...電動一壞咗就好頭痕...
而且一定會影響心情囉...
非常感恩...最後架車嘅問題全部解決到...可以繼續照用(YES!!!)


日本好多電梯按鈕都會較低少少比輪椅使用者用...
好貼心!