再一次寫返遊記喇...
要展開西雅圖之旅喇，唔想坐飛機，又想慳錢，所以來回程揀咗長途巴士。但世事往往就係好多意料之外嘅事發生...
大約兩星期前買咗Quick Shuttle，打算坐長途巴士去嘅，當時仲未有天氣預告話會落大雪，買完車飛幾日後就跌進咗一個白濛濛嘅世界...所有嘢都唔可以refund，尤其聖誕將近，可更改嘅空間更少...
最終...照原定計劃出發...
車飛揀咗6:45AM上車。保守估計車程接近4.5hrs，塞車嘅話會更耐，所以絕對係早去早享受。
朝早5:00左右出門口搭巴士去skytrain Waterfront站，但因為前日落大雪，行人路有大量超厚積雪，有啲雪更加結咗冰，令到輪椅吋步難行 + 只能夠龜速慢駛，結果想搭嘅巴士係眼前飄走😩😩
(呢一秒之後亦係惡夢嘅開始...)
幾經辛苦終於去到Waterfront站，但問題又嚟喇...
Quick suttle嘅巴士站係完全搵唔到！！無站牌無staff無方向提示，又見唔到有人拉喼等上車。skytrain站內有職員嘅，走去問吓路，希望佢可以幫幫手。點知，職員先生佢本人好chill咁翹住腳又揸住杯咖啡，話自己新嚟新豬肉唔知頭唔知路唔係咁清楚🥲
有料呀佢⋯
我⋯就⋯無⋯語⋯了⋯
成個站無駐守嘅staff㗎，連chill先生亦失蹤埋...
🥲🥲 hello，結界！！🥲🥲
唯一肯定嘅就係：完美錯過6:45AM班車
其實呢類長途巴士每日都有幾班車去西雅圖（或其他地方）間間大同小異嘅，miss咗班車咪搭下一班囉，最多影響當日行程，蝕咗玩嘅時間。but，輪椅上呢類旅遊巴士嘅話，一般要預早兩至三日買定車飛(至少Quick Shuttle有咁樣要求) ，因為唔係架架巴士都有提供輪椅升降機，就算有，巴士公司要收起三排櫈(即6人位)嚟做輪椅位，買即日飛基本無可能上車，同時亦唔鼓勵各輪椅朋友抱住僥倖嘅心買咗飛先算，司機話上唔到就真係gg…另外，今次巴士公司有要求我提供輪椅size，通常佢哋都會安排輪椅坐喺巴士嘅最後排。
走咗車又唔知點，咁⋯打去hotline問啦，10分鐘左右就有人接聽（感動！）
得到嘅回應就係今日可以提供輪椅上落嘅巴士已經開哂，最快都要星期二或星期三先再有，但原定計劃係星期四回程返溫哥華，坐巴士唔同坐飛機，係咁短時間一來一回真係會用好多時，齋諗都覺得辛苦。最大嘅問題就係，我已經book咗幾晚嘅酒店，一旦俾咗錢就唔可以退款💸💸💸
🥲🥲hello，再次結界！！🥲🥲
其實當下都已經無乜心機聽職員姐姐講乜，因為個心已經飛咗去諗緊點解決酒店嘅問題好
做結界達人真係心很累😮💨
最後…最後…最後…點算好？
坐！火！車！⋯囉
又一舊錢！ OK！出嚟玩最緊要開心，唔講錢～
買火車飛相對容易，但如果輪椅要上火車嘅話，同樣都係需要預約，因為有好多火車都係需要行樓梯上去嘅，所以需要工作人員安排升降台俾輪椅上火車，簡單啲嚟講就係準備需時。
當日決定要買火車飛嘅時候，已經9秒9上官網，但超級無奈嘅就係官網會隨時隨地無啦啦死機，網頁完全運作唔到，最激氣就係去到俾錢嘅時候先停滯不前，一旦refresh版面，所有資料又要重新再填過，而今日經歷依個結界足足有7-8次！！！
最後終於比到錢！email收到e-ticket！
你以為心已安咩🥺 🥺🥺
少年你太年輕喇⋯當玄宇宙開咗一個結界比你嘅話，以為完啦咩？其實仲有另一個結界等緊你，唔信？你望吓上面嘅點點滴滴，全部都係一桶汗㗎
事關距離搭火車仲有好幾個鐘頭，講緊嘅係五至六個鐘，所以中途出咗去搵地方食嘢 + hea。
如果由溫哥華搭Amtrak火車，要喺Skytrain Main Street-Science World 站行去Pacific Central Station(5分鐘左右)。
原先咪話出去hea嘅，其實都唔敢去太遠，只係去咗Downtown，搭一個站就可以返到Main Street-Science World 站，已經預多咗時間提早返去。
點知！一返到去Main Street-Science World 站，2部落地面嘅升降機齊齊壞咗！係2部一齊壞呀！！真心咩？
個心又開始墮入結界情緒😢
點解我咁緊張😓？
因為我要原路折返，去downtown搵巴士再去Main Street-Science World 站！又唔知有無巴士，又唔知等幾耐，又怕佢脫班…最擔心就係坐火車去美國同坐飛機差唔多，同樣係需要填報關表、(如有)大型行李要寄倉、check車飛…
全部都係同時間競賽，萬一連呢班火車都miss埋就慘，所有都泡湯😓😓原本有勁充足時間準備，點知遇上壞lift😫
究竟今日咩事？ 使唔使咁黑仔呀
沒有留言:
發佈留言