香港鐵路博物館(1)‬。大埔

好一段日子無寫過「轆出新界望望望」 嘅po文...
最近聖誕假期有的是時間，天氣放晴又唔太凍，仲唔蠢蠢欲動轆出去

今次同另一輪椅♿️朋友去嘅...發覺博物館嘅無障礙設施做得唔錯...
八成地方都可以比輪椅使用者近距離望吓展品...
而且亦有好多影相位，當日見到好多小家庭、小情侶、三五成群fd子堆 & 龍友...
不停上下左右跳高僵立呆坐微笑咁樣樣影影影...我都事不宜遲搵位攝又影埋一份先～

不論坐火車又或者搭巴士...兩種方法都可以去到鐵路博物館，
尤其到咗廣福道或大明里，唔難見到街上有景點方向標示...

假如對大埔有少少認識，基本上唔太需要用google map都去到博物館㗎...
可惜呢個方法只適合步行人士，因為入口有樓梯。

呢個就係正門，準備落斜

不過，有細心位喎，喺門口已貼上告示...
如行動不便者需幫助嘅話可致電比館內職，佢哋會提供另一入口進入。

落斜後轉右再上斜...

我親自試轆咗一次，我發覺呢條路線唔太適合手推嘅輪椅使用者。
點解咁講呢，因為2個只係相隔一條街，但你必須經歷兩條一上一落嘅大斜路...
而且最好行馬路，因為兩旁嘅行人路都比較狹窄，轆起上嚟會麻煩好多。

有見及此，我搵到另一路線，方便又安全好多，最重要上落斜亦大大減少

待續...