2. 轆遊新加坡 : Day 1 唐人街(牛車水)、Merlion Park(魚尾獅)、Jumbo Seafood(晚餐)

4日3夜新加坡自由行

Part 2 <<唐人街(牛車水)>>

新加坡主要有4種語言...

包括英文、馬拉話、印度話、普通話....

尤其馬拉文...所以見d地鐡站名，明明由英文字母串成，但讀出嚟就怪怪哋...

除此之外，好多人都識講廣東話...

喺新加坡同人溝通困難不大呢~....

行李由朋友代勞先運返屋企，然後我們仨就兩手fing fing行街去...

原來真係好爽，出外靠朋友係好重要的... XD

由機場搭MRT出「牛車水」即唐人街...

點解叫「牛車水」? 原因係當時唐人街一帶無自來水....

居民自己解決呢個難題...而且要由好遠地方運返屋企...

日以繼夜夜以繼日嘅運水重任交由牛隻代勞...

所以最初叫「牛車水」後來越來越多華人聚居，就成為唐人街。

嚟到「牛車水」當然係搵食...雖則飛機餐係好食....
但旅行嘅嘢令人好有彈性嘅...明明飽飽哋都可以食之不盡...
仲要有朋友...彈性更加係可以無限...

呢度叫「Maxwell food centre」...係當地人嘅food court

好似香港嘅熟食中心咁...同樣係買完食物後搵位...
地方幾大...

無諗過寧寧舍舍有一張枱係專比輪椅使用者用！
乜都無...如果有陪同者嘅話就無得一齊坐。
其他枱輪椅未必入到...要慢慢揀...

人人都推介呢間海南雞

飯好香蒜味！雞肉都OK...最正係橙色嘅辣汁...
勁惹味！

呢杯係檸檬蔗汁，OK喎又。有時飲蔗汁會太甜，甜到咳。
有檸檬中和一吓甜味，唔錯。

熱熱嘅天氣最啱飲椰青水，勁凍又清甜。隔離嗰杯係牛油果豆奶，飽到一個點...

食飽後周圍行吓...「牛車水」有好多好有特色嘅建築物

呢個景我望咗好耐...因為綠得好靚 (心心眼)

唐人街另一出名嘅活動就係買藥油，朋友們有興趣又有需要。
於是暫時各自各玩...佢哋去買藥。
而我因為坐咗電動輪椅，可以隨心所欲自由活動。
今次又帶咗相機，打算周圍轆影吓相。
最後無意中轆入"ann siang hill"...

之所以點解會選擇轆"ann siang hill"就係因為遠遠見到一大個「鷄」字！

非常搶眼！於是跟住「鷄」字方向轆...

然後發現好多人都帶相機嚟呢度影相...

呢一帶有好多酒吧...建築物比較西式...

我估如果認真摸索吓..."ann siang hill"應該有更多其他嘢睇

其實事前無準備又盲中中搵到一個景點...
又係另一番樂趣...我喺"ann siang hill"玩咗好耐...
搞到朋友等返我...好在無迷路~哈~

沿路轆返出嚟...周邊街景都好睇...

五顏六色嘅建築物最愛睇又愛影

今日天氣好好呢，不過夏季呢幾個月...
新加坡幾乎日日都會落雨，而且仲要同一個時段先會落。
每次大概落一個小時左右就會停...好有趣~

四處隨影...

藍白無得頂！靚！

唐人街有好多廟宇...

不過本身無乜興趣，所以無逐一細睇喇。

另一樣喺新加坡好想試嘅就肉骨茶...
呢間食店叫「松發」...分店有好幾間...
朋友們今次偶然遇上就走咗入去食，店舖雖然喺商場裡面，
但有好多級樓梯...我就放棄無食。
點知朋友食完後買外賣比我...嘩！開心到呢...
呀!呢碗肉骨茶較重胡椒味...蒜味少許...完全無中藥味...
呀!一字骨好好食...內裡有蒜頭一瓣....
煲到完全淋哂...甜甜哋...我like呀
原來湯可以無限添飲...
終於試到甚麼是肉骨茶...而且開始有點點愛上...
相信冬天食會更加正！

準備去下個景點喇...

待續...

FB專頁

https://www.facebook.com/wheel.ya/

FB群組：「轆甚麼」 

https://bit.ly/2OkfWMe

IG：https://instagram.com/wheel.ya