4日3夜新加坡自由行
Part 1 <<香港→新加坡>>
一聽見...
又話對輪椅人士接納度高+友善...
一切未親身驗證之前，已經搵多個輪椅friend一齊去...
再加多個陪同者...一行3人夠熱鬧 ^^
今次自己坐電動輪椅，朋友坐手推輪椅。
航空公司選擇咗「新加坡航空」...
(又係promo魔鬼惹的禍 XD)
地勤職員邊搞登機手續，邊call其他工作人員處理2張輪椅...
態度仲好好呢...
一如既往...電動輪椅使用者先換機場提供嘅手推輪椅
然後去到機倉門口轉細細細輪椅入機內...
點解係細細細呢? 因為4個轆比一般所見到嘅細細細好多...
車身又細又窄，闊度只係啱啱夠過機艙走廊...仲有輪椅扶手又係纖細到呢...
所以呢，坐上呢架細細細輪椅，最緊要做嘅係...收埋對手...
好在只係坐5分鐘左右...因為真係坐得好辛苦...
(官方圖片)
每次由細細細輪椅移去機上座位，通常會好關心座位上嘅扶手可唔可以撥後。
一般人未必會留意，但對於輪椅使用者係嚟講係好重要嘅細微位。
一般人未必會留意，但對於輪椅使用者係嚟講係好重要嘅細微位。
假如扶手可以撥後嘅話，輪椅使用者自己會更容易 + 方便由細細細輪椅移去座位上。
近走廊座位嘅扶手，唔係次次坐都可以選擇撥後。
但之後中間嘅座位扶手大部份都可以撥後，想向入移去坐窗邊睇風景嘅話，都OK嘅。
不過，今次坐「新加坡航空」就發現座位扶手都可以撥後喎！而且來回程機都有！
毋庸置疑呢個細緻位係一個驚喜 & 貼心 ^^
毋庸置疑呢個細緻位係一個驚喜 & 貼心 ^^
唔知道係自己好彩定還是呢間航空公司每款飛機都係咁...
所以今次不論係自己或朋友(坐手推輪椅)都可以輕鬆選擇坐窗邊睇風景 + 親望眼吓飛機升降嘅情景。
而且講得好好聽又易明，即發音清晰說話有尾音...
全程面帶笑容，感覺有用心工作！
起飛大概一個小時後左右就開始派飛機餐。
飛機餐食得多...但有Menu睇真係第一次...
可能我孤陋寡聞啦，真係要飛多幾次去多幾次旅行嚟增廣見聞先(奸笑!)
樣樣都好食喎!最正正正正係朱古力puff...會爆朱古力醬!
大家一致認為呢個係飛機餐嘅亮點！
呢個焗蛋除咗焗得靚仔之外，味道好。
返香港後可以試吓整，材料可以千變萬化，而且應該好易整。
好多人話呢個機場好靚又多嘢睇...
不過因為落機後要職員幫手...所以未有空間慢慢睇...
但機場第一個比我嘅感覺就係又大又乾淨...
離開機倉後當然有坐細細細輪椅啦...
之後再轉藍色呢部手推...
座位大到好似坐緊皇帝椅咁...印象中無安全帶...
過海關好快手呀...行李又準時...
唯一等得最耐就係我部電動輪椅...
因為電動輪椅又重又大部，好多時會從其他通道運上行李帶區....
等好耐仲未見有，問d職員又好似唔清楚咁...
似乎溝通上唔太足夠...
最終電動輪椅出現喇，好彩係完整無缺...
待續...
FB專頁
FB群組：「轆甚麼」
沒有留言:
發佈留言