【住宿】樂客商旅。台北

吾不是一個鍾意嘆酒店嘅人，所以假如試到一間價錢平、地點方便、又可以提供無障礙房、而且住得舒服嘅...
通常去台北都會再住返果間酒店...

樂客商旅 (Look Hotel) 就係其中一個好選擇...

自從桃園機場捷運開通左之後，方便左好多。

喺淡水線嘅「台大醫院捷運站」落車，再轆去酒店...
地圖話6分鐘左右...
。
順利check in...職員好快就安排無障礙房比我...

 一開門就見到間房呈長方形，睡床兩側空間充足... 
輪椅朋友可放心慢慢泊好輪椅再轉移到床上...

至於洗手間、浴室亦相當之大...同樣都係長方形...

無浴缸...不過扶手好足夠

仲有摺上牆嗰款浴椅，最正係咩呀？張浴椅有軟墊，坐得舒舒服服...

呢間酒店無乜靚景睇，裝潢亦無甚特別，不過職員服務好好，以四百幾蚊一晚有咁嘅質素，抵...

對我嚟講已經滿意喇....

*網上訂酒店時，喺特別需要果欄會順便標明有"輪椅使用者" ，但並唔代表該酒店已知道。
所以去到check-in再問一問，通常都比到無障礙房嘅...再穩陣d可以預早send email比佢哋。
不過，其實一般房都好大間

另一次住樂客商旅嘅非無障礙房，唔錯㗎。
http://wheelya.blogspot.hk/2016/09/hello.html?m=0

資料補充:
樂客商旅: http://www.lookhotel.com.tw/