大棠楓葉 part 1。元朗

每年踏入冬季...

不論網上或身邊朋友總會談及元朗嘅紅葉...

今年終於願意動身轆入元朗...

然後更"有幸"遇上本年第一個「寒冷天氣警告」...

凍到呢 @@

當日去元朗大棠欣賞楓葉係十分之即慶...

所以事前完全無預約復康巴...

又或者電召可供輪椅上落嘅的士...

其實公共交通配套上都好方便...

而車費又平好多...

~~~~~~~~~~~~~~~~~~~~~~~~~~

先搭MTR到「朗屏站」....

出站後雖然有指示教人如何到達巴士「K66」往大棠...

但d指示對於輪椅使用者嚟講唔夠清晰...

最終行咗好多冤枉路先搵到巴士站...

大家如果去，用返A出口部升降機落地面，向後直行就可以到巴士站。

(圖片來源:香港巴士大典)

如乘搭MTR嚟嘅話...呢一程K66就唔需要再收錢

(照樣先拍八達通)

(圖片來源:香港巴士大典)

賞楓季節，K66有特別車，完全無中途站再比人上/落車...

而終點就係「大棠山路」...

落車之後...輪椅會停留係行人路上...

呢個時候輪椅使用者必須先落一級...

再慢慢係馬路轆上山去睇紅葉...

當回程果陣...又要再返回呢一級先上到巴士...

感覺上有d麻煩...始終無斜梯上+落一級會較為危險...

唯有自己小心吧！

落車後...就算係路痴也會知道往邊個方向行...

因為大家目標一致睇楓葉嘛...

不過亦有小撮人係行山之友...

唔知回歸平淡無楓葉時...
一般人又係咪「人」「車」共行喺馬路上呢? 

當日馬路上真係好繁忙...

但其實好安全...

小心就是了...

天公造美...

行到一半會見到「大棠燒烤場」...

(圖片來源: free guider)

內有輪椅洗手間...

有需要好快d去...

因為之後嘅路程...廁所難求...

呢度嘅燒烤爐好適合輪椅使用者用...

爐身夠高...凳與凳之間又夠闊落...

但燒烤爐側邊嘅枱就唔太好用喇...

因為只有兩邊主席位先勉強可以比輪椅使用者泊埋枱...

其餘嘅空位嘅凳係固定嘅...

燒烤場佔咗好大地方...

地面碎石唔算太嚴重...

某位置可以望到遠處嘅石屎森林...

待續...