Upgrade後的不便。元気壽司

呢間壽司連鎖店...

近半年大幅度引入新幹線列車式運輸帶...
為客人送上喺輕觸式熒幕裝置所order嘅壽司...
新奇好玩係真嘅...但試過之後就發現...附帶嘅不便亦唔少...

不便一：如果無陪同者一齊食...

基本上touch mon落單機要由職員幫手拎落嚟...

因為位置太高！

不過部機唔難用...

不便二：輸送帶一共有三層

對於輪椅使用者嚟講...最頂+第二層比較高...

其實好難拎已order嘅壽司落嚟...最下一層比較好...水9相對低一d...

但客人應該無得選擇邊一層嘅輸送帶出壽司

望住火車到達的確幾high

不便三：壽司到達前會閃燈...通知你壽司快到。

接過壽司之後又要再㩒熄燈...

等架火車知道可以返回廚房...

但燈嘅位置又再比輸送帶再高少少...

即係難度再高d...所以又係要勞煩職員幫手...

又或者有朋友一齊食...

嗯...倒不如還原基本步...直接向職員落order...