赤柱(part1)。懲教博物館

大太陽...勁好天...
又係時候轆出去..
探索一吓未去過嘅地方...
夏天嘛..當然要去吓赤柱啦...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
由於天氣太熱...
希望盡量減短搭巴士嘅車程(本人無敵怕熱)...
所以先搭地鐡到"西灣河站"...
再轉新巴14號喺"赤柱村"落車...
然後再直接轆入去參觀博物館...
15分鐘以內就到...


眼前白色建築物係一間超市...
原來前身係"舊赤柱警署"...已有好耐歷史...
聽聞裡面係九曲十三彎...好似迷宮咁...
輪椅使用者係入唔到...因為內裡有好多樓梯...
好!繼續行~


當見到呢個彎位嘅話即表示已到!
如仍有少少迷茫...
可周圍望吓...
因面前會有一個尖尖地嘅亭...
就肯肯定無錯...
可即轉入去(涼冷氣..呼~~)!

BUT~~~~~
再行前少少原來就係"真．赤柱監獄"

唔好諗住停係度慢慢selfie..再玩一大餐咩"唔好望返轉頭、要好好做人、生生性性"之類~
因為有好多車出出入入...
職員又會九秒九問你"有乜幫到你"...
快拍5秒好走喇...


行返轉頭先...


到喇喂))))))))
館內其實都好多嘢睇...
例如遠古時代用嚟懲罰犯人嘅刑具、難民自製一d武器(展現DIY能力)、亦有video播放一d監獄歷史、更有講解死刑係點進行(超驚嚇@@)
所以呢...係好值得一嚟...唔會悶...
場內外設施亦好方便輪椅使用者...


周圍嘅環境好舒服...十分開揚...


吊鐘嘅後方就係輪椅洗手間...
可能使用率唔高啦...所以放咗雜物係裡面(見怪不怪..)...
煩請職員拎開就OK...

補充資料:

1. 由於大家出發地點唔一樣，所今次遊歷嘅去返程方式未必適合你。假如係咁但又想去嘅話，用多少少時間做功課，最終你亦一定去到 =)
2. 如唔想行/轆入去嘅話，可以轉搭新巴260、6喺"聖士提反書院"落車直行就到。再唔係，可以問吓各巴士司機，佢地一定答到你。
3. 又假如想自己入去嘅話，其實係OK。不過輪椅使用者要上行人路就會有少少麻煩，因為斜道設備唔太完善，隨時會遇到有得上無得落嘅情況。唯一選擇係沿馬路邊行，但要小心睇車...盡量泊埋一邊行...自己執生+衡量啦。

景點位置: 香 港 赤 柱 東 頭 灣 道 45 號

Link:

1. 懲教博物館
2. 新巴/城巴
3. 九巴