硅藻土杯墊

飲凍飲係爽YY嘅！

但煩就煩在一下子未飲完...凍飲嘅杯邊/樽邊已不斷冒水珠...
令到枱面留底一灘水...用紙巾抺係無補於事又唔環保...
早前見到硅藻土浴室墊已十分心心眼，佢標榜吸水力強、又抗菌除臭...
但因為太大張又唔適自己屋企用...所以一直得個望字...

今次正喇，終於出硅藻土杯墊...立刻身痕買嚟試...而且只需要$9一塊...顏色幾靚㗎

有無抗菌除臭真係唔知...但吸濕力真係好強！又快乾

效果非常滿意！

直徑約9.5cm...一般罐裝飲品都夠空間擺放...