Sim card上網、台幣。台北

安全到達台北...輪椅呀行李呀亦無大問題...
呢幾年嚟台灣，通常喺機場先換錢...
唔駛煩呀嘛...

換台幣方面，有銀聯卡嘅話可以喺香港ebanking開通海外提款...直接喺台灣ATM㩒錢就OK了。

用呢個方法真係唔錯，一來個rate最低又方便！
不然嘅話，喺台灣機場找換店換錢亦得...
相比香港，喺台灣換錢抵好多...
哈！自己揀啦～

至於上網...唔Google map搵路都要上FB打卡啦！(誤!)嘿～
呢幾年去台灣都鍾意用''中華電信''，上網速度幾快又穩定。
不過，如果坐捷運或台鐵入咗隧道，多數都會斷線但之後好快又可以再次上網！個人認為好acceptable...

喺機場買咭會有優惠，即係買任何一個plan，第一日唔計錢。而且又包埋指定嘅通話時間，仲要無限上網！
正呢！記住剩係機場先有呢d plan，出面無㗎！