健康就夠了

少少狀況又驚一餐の口up up：


即係咁...今朝搭巴士就快落車之際...
電動joystick嘅on/off制好似無乜反應！！？
仲要巴士已埋站... 
當刻真係嘩嘩嘩、個心離一離、倒抽一口涼氣...乜都齊...
車內又企滿人...唔想阻住地球轉...
然後心中無限loop：點算呀？死喇！唔落車？叫司機等我？
下一個站先落？邊個可以救我呀？吓？點算？點算？
點算呀？
其實唔係第一次發生呢類情況....
但無論有幾多次經驗都好...始終都係好淆底...
最終當然順利落車啦...
即係呢...雖然我無兒無女無貓無狗無植物
（植物本來係有...但最近瓜左 XD）....
但有時好擔心架車有事囉...你無事我就快樂㗎喇...
祝車體健康...
轆主敬上